Ë mû bê tî ë tî sâra kua na yâ tî âbärä otâ tî mayngö-ködörö: fängö-yäkä, sênî, na fängö-mbëtï.

Fängö-mbëtï

A yeke fa mbëtï na ânyîndû ngbangbo ûse, a yeke mû na âla kôbe, sï âla yeke sâra ngâ âkua ndê ndê, me sô ahön kwê, zo ayeke bata âla nzönî.

Bêndo Cana tî fängö-kua ayeke mû mabôko na âwâlï na âmaseka-wâlï tîtene âla hûnzi mändängö-yê tî âla, amâi ndarä tî âla tî särängö-yê na yâ tî âkodëkua ndê ndê.

Lisëe Ogustëen Wamokondô ayeke mbênî kpëngbä kûne dambëtï: lo yeke wara ânyîlikôlo sô ayeke dîko mbëtï mîngi, lo yeke fûta âwafängö-mbëtï pendere, sï âla yeke fa mbëtï na taâ nzönî lêgë nî.

Sênî

Zo ayeke fûta lâkwê fütängö sï awara yorö na Bêafrîka, mbênî kodëlêgë tî bätängö sênî na sêdutî tî zo ayeke daä na Bêafrîka pëpe, âKündü Yamba na Gövörömä (ONG)  laâ ayeke bâa lêgë nî tî kânga dû sô. Ngêrë tî yorö na tî kuanganga akono mîngi (täpandë nî, ngêrë tî kezamäa tî mê asï eröo 80 wala nginza tî kua tî nze ûse).

Müngö-mabôko na âwamändängö-sêndânganga, sô ayeke gä âwanganga kêkerêke, ayeke na lê tî ë bêtaâ nzönî lêgë tî edêe âwakobêla tî âvakando tî yërë tî Afrîka tî bê nî. Ayeke ngâ kötä püsüngö halëzo tî Bêafrîka na ndüzü na lêgë tî taâ lipandâa tî lo.

Fängö-yäkä

Na ngû tî 2015, SÎRÎRÎ akunipa tî tunge mbênî finî pialö tî tara lêgë — sëkängö mbênî yângbö tî bätängö-kôndo na Lisëe Ogustëen Wamokondô na Bozûm, sï lo yeke tunge ngâ ânyîlikôlo sô ayeke sâra ânde kua nî. Ayeke mîngi nî mbênî bäräkua tî fängö-yê.