Müngö-mabôko na âwamändängö-sêndânganga tî Bêafrîka
Müngö-mabôko na âwamändängö-sêndânganga, sô ayeke gä âwanganga kêkerêke, ayeke na lê tî ë bêtaâ nzönî lêgë tî edêe âwakobêla tî âvakando tî yërë tî Afrîka tî bê nî. Ayeke ngâ kötä püsüngö halëzo tî Bêafrîka na ndüzü na lêgë tî taâ lipandâa tî lo.
Âmünä tî Mvuka 2010 afa atene na Bêafrîka âwanganga ayeke 200 tënë tî âzo kûtu 4. Na ngû ôko ôko, a yeke fa mbëtï gï na âwamändä 20, ngbanga tî sô likôlo nî anînga mîngi sï na mbâgë pâsi tî gîgî ayeke ngangü mîngi na Bêafrîka. Na ndöbênî kwê dambëtï tî sêndânganga ayeke gï ôko na yâ tî ködörö nî kwê. Tôngasô, na ngû ôko ôko, gï âwanganga 20 laâ ayeke sïgî tî tö ndâ tî kua tî âla.
Na ngû tî 2008, SÎRÎRÎ akunipa tî seka gûrûsu tî mändängö-mbëtï tî tunge âwamändängö-sêndânganga ûse. – Cédric na Richard. Âla ûse kwê akpêngba na mändängö-mbëtï mîngi, me ndâli tî sô âsëwä tî âla ayeke na moyëen pëpe, âla lîngbi fadë tî gue na mändängö-mbëtï tî âla ayo pëpe. Ndânî laâ sï SÎRÎRÎ akunipa tî tunge âla na fütängö likôlo tî âla.
Cedric, wanganga
Na nze tî Lengua 2015 Cedric agbû kokö tî bipa tî lo pendere sï lo gä wanganga. E ngbâ tî bâa pekô tî mayngo tî lo na kötä ngyâ na bê sï ngâ ë yeke tângbi na lo lâkwê. Tî Richard, lo ngbâ tî manda mbëtï na ngûmändä 2015/16, sï lo yeke leke terê ti lo tî gbû kokö tî bipa tî lo. Gûrûsu tî Richard asï kwê eröo 600 tî ngû ôko (wala eröo 50 na nze).
Pialö sô azî lê tî ë tî tunge ngâ âwamändä tî âmbênî mändängö-yê ndê – dîko tanga nî ge.