Müngö-mabôko na âwamändä tî dasêndâgî
Pialö sô ayeke pandä tî mbênî ngbêre pialö sô anînga awe tëtî müngö mabôko na âwamändä ûse tî sêndânganga, sï atambûla lânî nzönî. Na 2014 ë kunipa tî gbara yâ tî müngö-mabôko tî ë na âwamändä tî dasêndâgî. Âbuä tî lamisïon nî ahînga âpendâkua tî âkôzo mändängö-yê tî âla, nzara tî bê tî âla na gbüngö-li tî âla na ndö tî mändängö-yê, ngâ na âmarä tî pâsi tî sêdutï kwê sô agbânzi âla tî mâi na yâ tî mändängö-mbëtï tî âla töngana mbênî zo ndê na gîgî amû na âla mabôko pëpe. Dipîi ngûmändä tî dasêndâgî 2014/15 ë yeke mû mabôko na âfinî âwamändä 15 na ngû ôko ôko, sï ë yeke bâa lêgë tî kokono wüngö tî âla ânde gbândä.
Mbênî ôko na pöpö tî âla ayeke Solange, mbênî maseka-wâlï sô ayeke taâ na ndarä mîngi, sô âla wü mîngi na yâ tî sëwä tî lo, sï lo tö tî manda sêndânganga na Dasêndâgî tî Bangî na 2014/15. Âtanga nî ayeke manda tî âla âyê töngana dôlinganga, kodë tî lamôde, sêndâkönömï, na sêndândya. Ngbanga tî sô a yeke fa âkûne sêndâyê sô na Bangî pëpe, âmbênî âwamändä ague amanda nî na âdasêndâgî tî âködörö tî terê nî.
Ngû ôko ôko, SÎRÎRÎ ayeke fûta eröo 10.000 ndâli nî.