“Afrikany pro Afriku” – ndökölêwâ tëtî Afrîka
Ândökölêwâ tëtî Afrîka
Pialö tî “Ândökölêwâ tëtî Afrîka” ayeke täpandë tî kua sô ë yeke sâra na âmôlengê anînga ayo, tîtene ë zî lê tî âla na ndö tî tënë tî mayngö-ndo. Sô âmôlengê tî ge ayeke lü köngö sï âla yeke kä nî ndâli tî âmôlengê tî ndângbâ gîgî yongôro kâ, âla lîngbi tî mä yâ tî güpandë tî gbüngö-terê na mbâ. Âmôlengê nî ayeke âwasärängö kua tî pialö nî, tôngasô, âla yôo ngbanga tî kua nî. Ayeke mbênî kua sô akpa särängö-ngyâ sï ayeke zîa ngyâ na bê tî âzo kwê. Dambëtï akä âgerê tî ndökölêwâ nî, sï amû nginza nî na âpialö tî SÎRÎRÎ na Ködörôsêse tî Bêafrîka.
Vülängö pialö nî
Na Köndökö, âwakuanzöbê tî ë ague na yâ tî âdambëtï, alü ândökölêwâ na âmôlengê tî likôlo nî, ngâ na tomâti na gbangandoro. Âkua tî bärä sô ayeke nzönî tângo tî tene tënë tî Afrîka. Ândökö nî ayeke kö nze ûse na gbelê tî âmôlengê nî sô ayeke bâa ndo na ndö tî âla, sï âla kä âla tî mû nginza nî na âpialö tî SÎRÎRÎ na Ködörösêse tî Bêafrîka. Na wëngö tî ngûlikôlo wala na töngö ndâ tî ngû tî pekô, ë na âtäsëmä sô alinda pialö nî, ë yeke leke tî fa âkua tî yâ nî (hündängö-ndo na ndö tî Afrîka, ngyâ na âfotöo, bïngbïngö tënë na ndo tî âkpälë sô ayeke gbû li tî ë, na kodë tî doroko nî — na âkêtê kua töngana kängö ândökölêwâ).