Nienie 2017

A kânga kândo tî âwakpê tî Mpökö, ndurü na gbägbä tî lapärä tî Bangî. Âzo 20 000 sô asenga na yâ tî kândo nî, adu tî kîri na ndo sô âla yeke daä ngû 4 kôzonî sï âla kpë sô, wala na ndo sô âla yê tî gue daä. Ködörö nî âde adë pëpe, âde awara sîrîrî pëpe.

17 Nabändüru 2016

Tôngbilö tî pöpöködörö na ndö tî Ködörösêse tî Bêafrîka, na gbelê tî Gbya tî Bêafrîka Faustin-Archange Touadéra.

30 Mbängü 2016

A votêe finï Gbya tî Ködörösêse tî Bêafrîka Faustin-Archange Touadéra.

Bâläwü 2015

Balisoro tî Bangî. Âwasêlê tî âBalaka na âSelêka akekere mângbi na ndö tî pialökua tî röngö-ngombe.

Nienie 2015

Gövörömä atö ndâ tî tënë tî kïrïngö na mängö-terê tî âwaködörö

Mvuka 2014

MINUSCA (tokua tî kamâ kôte tî Bêndo tî Gîgî na gbe tî kämämä ôko tëtî kpëngbängö-sêndo na Bêafrîka) amû sê tî MISCA

Lengua 2014

Âturûgu-kpälë tî bûngbi ndê ndê akekere mângbi tî kâito na Brazawîli.

Nienie 2014

Gbya Djotodia azîa sêgbya nî. Bâdahalëzo avotêe Catherine SAMBA-PANZA. Bêndo tî Gîgî (ONU) abâa atene wüngö tî âwakpê tî yângbö asï 886 000. Lo fa atene bema tî hünzïngö-marä na tî gbâkâ femba ayeke taâ kötä mîngi.

Kakawaka 2013

Kuato SANGARIS atö ndânî tî beke âturûgu tî pöpöködörö tî tunge Bêafrîka sô âSelêka na âBalaka ayeke tiri daä.

Mbängü 2013

Âturûgu-kpälë alï Bangî. Gbya François BOZIZE azîa sêgbya. Michel Djotodia adere terê tî lo gbya tî Letäa.

21 Kakawaka 2012

Töbûngbi tî Kâmâdutï tî könömï tî âLetäa tî Bê tî Afrîka akunipa tî seka mbênî ngunu tî âhalë-kôte , FOMAC (Ngunu tî halë-kôte tî Bê tî Afrîka).

12 Kakawaka 2012

A seka mângbi tî âturûgu-kpälë Selêka

12 Föndo 2011

Gövörömä tî âwaleswa tî CPJP (convention des patriotes pour la justice et la paix – mbere tî âwayëngö-ködörö tëtî boro ngbanga na tî sîrîrî) akekere mbênî mângbi tî kâito.

23 Nienie 2011

A kîri avotêe Bozizé töngana Gbya tî Ködörösêse.

1 Kakawaka 2010

A zî ngbanga kwê na li tî Jean Bedel Bokassa na ndembë tî matânga tî ngû 50 tî gängö ndepandäa tî ködörö nî.

Nabändüru 2010

A fâa ngbanga tî Jean Pierre Bemba ndâli tî âgino sô a tene âturûgu tî lo asâra na yâ tî ângû 2002 2003 na ngoi tî fïngïngö Patassé.

Ngberere 2010

Ködörösêse tî Bêafrîka atângbi na Ködörösêse tî ngunuhalëzo tî Kongö, Uganda na Sudän tî Mbongo tî tiri na Lärämä tî Ngbäsängö-ndo tî Gbya (LRA)

Bêläwü 2010

Wëngö tî kuato MINURCAT (Tokua tî Bêndo tî Gîgî na Ködörösêse tî Bêafrîka ngâ na Tyâde)

Fulungïgi 2010

Âbûngbi tî âzo tî âködörö ndê ndê sô ayeke bembe ndo tî bata ângura tî zo ahûnda na ngangü tîtene a hasa ndo tî hînga taâtënë na ndö tî nönöngö na fängö gbya tî âturûgu-leswa Charles Massi.

30 Ngberere 2009

Ngbêre GBya Patassé alöndö na Togö sô lo kpë lânî daä akîri.

21 Kükürü 2009

Gbya Bozizé aseka kamâ-porosö Kwa na Kwa (Kua na kua na sängö)

Föndo 2009

Ngû akîri asûku amû yâ tî Bangî sï âzo 11 000 ayeke na da mbênî pëpe.

Fulungïgi 2009

Lärämä tî Ngbäsängö-ndo tî Gbya akîri alöndö na Uganda kâ adûga ndo na Bêafrîka ge.

29 Mvuka 2008

A zî ngbanga kwê na li tî âzo sô a kânga âla atö na 1999

9 Bêläwü 2008

Âturûgu tî Gövörömä na âla tî leswa akekere mângbi tî kâito na Bangî.

Fulundïgi 2008

Lärämä tî Ngbäsängö-ndo tî Gbya Joseph Kony sô gündâ nî ayeke na Uganda adûga ndo na Ködörösêse tî Bêafrîka

Mvuka 2007

Kuato tî Tokua tî Bêndo tî Gîgî na Bêafrîka na Tyâde atö ndânî.

Bâläwü 2007

Dangbanga tî Pöpöködörö tëtî Gino adë pa atene nï yeke hasa tënë na ndö tî  tärängö tî fïngïngö Gbya Patassé sô alûu na ngû 2002-2003.

3 Fulundïgi 2007

Âturûgu tî Gövörömä na âla tî leswa akekere mângbi tî kâito.

30 Nabändüru 2006

Lärämä tî Farânzi asungba gbätä ûse sô âturûgu-leswa agbû nî.

30 Ngberere 2006

Âturûgu-leswa agbû gbätä tî Birao sô ayeke na tö-banga tî ködörö nî.

29 Kükürü 2006

Dangbanga adë ponön tî ngû 20 tî kusâra na ngangü na li tî ngbêre Gbya Patasé na pekô tî lo (lo kpë lânî na Togo awe).

Föndo 2006

Atâa sô âturûgu tî Bêndo tî gîgî (ONU) ayeke na yâ tî ködörö nî âturûgu-kpälë adûga ndo afâa âzo 33.

Kükürü 2005

Ngû asûku na yâ tî Bangî akûngbi da sï âzo 22 500 ayeke na da mbênî pëpe.

Föndo 2005

Birä akporo na banga tî ködörö nî, sï âzo gbâsâki akpë na Tyâde.

8 Bêläwü 2005

A votêe Watongolo-okü Bozizé töngana gbya tî ködörö.

5 Kakawaka 2004

Halëzo avotêe sï ayêda na finî mamândya tî ködörö.

15 Mbängü 2003

Watongolo-okü Bozizé abâa sô gbya Patasé asimba na gîgî tî ködörö nî awe sï lo fîngi lo, agbû sêgbya nî na pekö tî lo adere terê tî lo bîakü gbya tî Letäa.

4 Lengua 2002

Lapärä Boeing 707 Prestige Airlines tî Kongö atï kpaya na sêse (âzo 20 akûi).

Lengua 2001

Koffi Annan ato mbênî wasêlê tî Bêndo tî Gîgî na Ködörösêse tî bëafrîka tî pîka pätärä na pöpö tî âturûgu tî Gövörömä na âla tî leswa.

28 Bêläwü 2001

Ngbêre Gbya Kolingba atara tî fîngi gbya tî ködörö sï alûu, sï lärämä tî Bêafrîka, sô ambênî âturûgu tî Libïi na âturûgu-leswa tî Kongö (RDC) amû na lo mabôko, atomba âwafïngïngö-gbya nî tî fâa âla (âzo 20 awara kwâ).

Mbängü 2001

Bêafrîka na Kamerûne atï tî papa.

20 Kükürü 2000

A fâa walembë tî Libïi na Bangî na ndembë sô Gbya Patassé ague gene na Libïi!

Fulundïgi 2000

Wëngö tî kuato MINURCA

19 Mvuka 1999

A kîri avotêe Ange Félix Patassé Gbya tî Ködörö.

Ngubë 1998

MINURCA (Tokua tî Bêndo tî Gîgî na Ködörösêse tî Bêafrîka) amû palâsi tî MISAB

12 Fulundïgi 1998

Lärämä tî Farânzi sô agä na Köndökö tî ngû 1996 azîa palâsi na MISAB (Tokua tî bëmbëngö-ndo na ndö tî âMângbi tî Bangî, mbênî ngunu tî pöpö-Afrîka)

Nabändüru 1996

Finî tiri na yâ tî lärämä

3 wala 4 Nabändüru 1996

Kwâ tî Jean Bedel Bokassa (sô a zî ngbanga na li ti lo sï a zî lo na kânga na 1993).

Ngubë-Bêläwü 1996

Âmitëen alesua na yâ tî lärämä ndâli tî sô a fûta âturûgu pêpe, âzo alesua ake tî gue na kua sï a pîka âla ngangü. Farânzi atï daä.

12 Nienie 1994

A dîri sêngbôndo tî farânga (CFA) tî Bêafrîka

19 Mvuka1993

Ange-Félix Patassé asö benda na vôte sï agä gbya tî ködörö (na pekô tî vôte tî 1992 sô a woza nî ndâli tî gbâ tî âlikisi sô a wara na yâ nî), Kolingba azî na kânga âwakamâ-kîte gbâsâki, sô mbênî ayeke ngbêre Tögbya Bokassa.

1991

A kîri a mîngo âkamâ-porosö kwê.

Lengua1989

Ngbanga tî sô Kolingba ahûnda nî na âla, âwasêlê tî Benëen atyâa âwasêlê tî âwaporosö tî Bêafrîka sï atomba âla tî kîri na ködörö tî âla. Na sïngö tî âla, a kamâta âla a bi âla na kânga.

12 Föndo 1987

Tî fânî ûse nî, dangbanga adë ponön tî kwâ na li tî Bokassa ndâli tî tënëtömbä 14 (ngürüngö na nginza na fängö-zo) ; ngû ôko na pekô nî, a gbîan ponön tî kwâ nî na ponön tî kânga sêkü, na pekô nî a gbîan nî na kânga tî ngû 10.

6-7 Fulundïgi 1987

A seka kamâ-porosö Bûngbi tî Ngunuhalëzo tî Bêafrîka (RDC)

29 Nabändüru 1986

André Kolingba asö benda na vôte sï agä gbya tî ködörö

21 Nabändüru 1986

Vötëngö finî mamândya tî ködörö

24 Ngberere 1986

Jean Bedel Bokassa sô akpë na Côte d’Ivoire, ngâ na Farânzi sô, akîri. A tyâa lo, a gue na lo na ngbanga tënë tî ngürüngö na nginza na tëngö-zo, sï a dë ponön tî kwâ na li tî lo, me a fâa lo pëpe.  

21 Mvuka 1985

Watongolo-okü Kolingba akö ndâ tî CMRN, sï akîi finî gövörömä.

14 Kükürü 1985

Töbuä Jean-Paull II agä gene na Bangî.

3 Mbängü 1982

Ange-Félix Patassé atara tî kamâta ködörö nî na ngangü sï alûu.

1 Mvuka 1981

André Kolingba afîngi David Dacko (akpa töngana Farânzi na David Dacko lo-mvenî ayêda tî beke lo na nî)

15 Mbängü 1981

A votêe David Dacko töngana gbya tî ködörö

24 Kakawaka 1980

Dagbanga adë ponön tî kwâ na li tî Jean Bedel Bokassa na pekô tî lo.

20 Mbängü 1980

MESAN agä Bûngbi tî Ngunuhalëzo tî Bêafrîka, sï a dere nî töngana ôko kamâ-porosö tî ködörö nî.

20-21 Mvuka 1979

Farânzi agä na ngangü na yâ tî ködörö nî na kuato Barakûda, sï afîngi Tögbya Bokassa I, akîri na David Dacko tî gbû ködörö nî.

18-19 Mvuka 1979

A fafara âmôlengê tî lisëe sô alesua, sï âla akûi gbânngbangbo. Farânzi abâa bängö na lê.

Bêläwü 1979

Farânzi ake tî tunge Bokassa na pekô tî sô âdasango tî pöpöködörö avunga atene âturûgu tî lärämä apîka ngombe na ndö tî âmôlengê sï afâa âla.

4 Kakawaka 1977

A hini Maresäle Bokassa tî gä Tögbya Bokassa 1nî. Ndögö tî pumbä nî na matânga nî kwê alîngbi na bê-ndâmbo tî mamânginza tî Letäa. A retêe na Bêafrîka âwasango ûse tî Amerîka sï Kanza Letäa tî Amerîka aîri walembë tî lo tî kîri na ködörö.

4 Kakawaka 1976

Mbênî kûne töbûngbi tî MESAN adere Bêafrîka Ködörötögbya

3 Fulundïgi 1976

A tara tî fâa Maresäle Bokassa, sï alûu.

Mbängü 1975

Gbya tî Letäa tî Farânzi, Valéry Giscar d’Estaing agä gene tî tara tî kîri tî gbë gbê tî lembë na tî könömï.

Nabändüru 1974

Watongolo-okü Martin Lingoupou atara tî fîngi gbya.

20 Bêläwü 1974

Kolonële Bokassa agä Maresäle

10 Bêläwü 1974

Letäa agbû âdabüzë tî âwanî

2 Mbängü 1972

Jean Bedel Bokassa adere terê tî lo Gbya sêkü tî ködörö.

30 Kükürü 1970

A lônnzi ândya tî yäkä

11 Ngubë 1969

A fâa Kolonële Alexandre Banza

1 Nienie 1966

Bokassa afîngi Dacko awe, aseka mbênî gövôrômä tî âurûgu sô lo mû li nî.

31 Kakawaka 1965

Kolonële Jean Bedel Bokassa akamâta sêgbya.

5 Nienie 1964

A votêe kôbö kandidäa David Dacko gbya tî ködörö.

Nabändüru 1962

A seka kôbö kamâ-porosö Müvümä tî mayngö sêdutï na yâ tî vukö Afrîka (MESAN)

fulundïgi 1960

A kânga lêgë na Müvümä tî zärängö halëzo tî Bêafrîka sï akânga kömokönzi nî.

17 Nabändüru 1960

A kîi Ködörösêse töngana marä tî sëngängö-letäa A votêe David Dacko töngana kôzo kömokönzi tî Bâda tî halëzo.

13 Kükürü 1960

Dërëngö lipandäa tî Ködörösêse tî Bêafrîka.