Mbôngo tî âkôzo müngö-yorö na danganga – Bouar St. Elie
Zo ayeke fûta lâkwê fütängö sï awara yorö na Bêafrîka, mbênî kodëlêgë tî bätängö sênî na sêdutî tî zo ayeke daä na Bêafrîka pëpe, âKündü Yamba na Gövörömä (ONG) laâ ayeke bâa lêgë nî tî kânga dû sô. Ngêrë tî yorö na tî kuanganga akono mîngi (täpandë nî, ngêrë tî kezamäa tî mê asï eröo 80 wala nginza tî kua tî nze ûse).
Asï fânî mîngi sô awakobêla, atâa gï âla ôko atâa na mbênî sëwä na terê tî âla, ague na gerêngbonga gbânî na ôko danganga tî zuka nî, sï âla gä tî hînga atene âla yeke na nginza alîngbi pëpe tî fûta na kuanganga nî.
Âzo sô abezôa taâ tîtene a mû na âla mabôko, töngana âyandû, âmôlengê wala âwazêen, agä na lamisïon tî hûnda êde.
Gündâ tî pialö nî na mayngö nî
Na 2001 asï na 2012, lamisïon tî Bozûm aedêe âzo 480, sô âwâlï ayeke na pöpö nî 230. Ndögö tî âmüngö-mabôko sô kwê asï € 9 000. Mamânginza tî lamisïon nî ayeke gï kârâ, sï âfûta sô ayeke kötä nginza mîngi. Lâkwê sô mbênî finî zo ahûnda êde, ayeke söngö-li na âwalamisïon nî tî soro zo wa tî edêe lo.
Ndânî laâ SÎRÎRÎ asenga mbênî gombôngo tî kpëkpesë: na 2013, ë zîa yamba eröo 2500 sô gï âbuä tî lamisïon nî alîngbi tî mû nî tî sâra na mbênî yê tî kpëkpesë sô asï gbâgbru. Na 2014 SÎRÎRÎ akunipa tî zîa eröo 4000 na yâ tî gombôngo sô tî müngö kôzo mabôko hîo. Ndâli tî âwûsûwusu sô asï na yâ tî ködörö nî, lamisïon nî awara gbâ tî âzo na pekô terê sô ayeke na yâ tî pâsi sï agä tî hûnda mabôko. Na ângû tî 2015 na tî 2016, SÎRÎRÎ akîri akuni bê tî mû eröo 2500 na gombôngo nî.
Âwalamisïon nî ayeke sûnga taâ mbîrîmbîrî kwê ndögö tî nginza sô kwê âla yeke fûta Na mbâgë âla yeke mû na ë sango tî âzo ôko ôko sô ayeke na yâ tî kötä pâsi sï abâa atene gîgî tî âla kwê ahûnzi awe. Âwalamisïon nî alîngbi tî mû mabôko na âla ndâli tî sô ë, SÎRÎRÎ na âwamüngö-yê na ë, ë yeke edêe âla.