Mayngo-ndo sô anînga
Na Ködörösêse tî Bêafrîka sô ayeke bâa pâsi dipîi na yërë, ayeke tënë tî müngö mabôko na zo fânî ôko awe pëpe, me tî sâra sï âwaködörö nî alîngbi “tî lütï na ndö tî gerê tî âla-mvenî”.
Kïrïngö nzönî na mbâ
Ë sâra kua sô na bê tî ë kwê sï azîa ngyâ na bê tî ë mîngi Lêgë ôko sô âwaködörö tî Tyêki ayeke tunge âkua sô ndâli tî âWabêafrîka, âWabêafrîka azî lê tî âwaködörö tî Tyêki tî hînga atene ndögîgî mobimba angbâ gï na yângâda tî âla pëpe. Kêtê yê sô Ködösêse tî Tyêki ayeke mû, zo alîngbi ti sâra gbâ tî yê mîngi na nî na Ködörösêse tî Bêafrîka.
Bösö tî kuasêngê
Atâa sô âwakua tî SÎRÎRÎ ayeke sâra ngangü kwê tî lokôto nginza ndâli tî âpialö tî lo, nginza nî ayeke gue na yâ tî bozö tî âwapöpö nî pëpe.
Bösö yamba na porosö
Atâa sô âbuäkodë kwê amângbi tî tene müngö mabôko tî mayngö-ndo ayeke tënë tî porosö, pialö tî SÎRÎRÎ ayeke yamba na porosö kwê, sï ayeke ngâ ndâli tî mbênî kamâ-porosö ôko pëpe.
Bösö yamba na maränzapä
Atâa sô SÎRÎRÎ ayeke sâra kua mabôko na mabôko na mbênî lamisïon tî kretïen, kua tî lo ayeke tî mû mabôko na âzo kwe sô ayeke na yâ tî pâasi, ayeke tî fa tënë tî mbênî maränzapä na âla pëpe.
Sêtârârâ
Ayeke polêlê na lê tî ë. Ë hînga sô sï âwamüngö-mbôngo na ë ayeke kötä yê mîngi na ë, nî laâ ë yeke fa lâkwê âpialö tî ë târârâ, ôko na ôko yamba na mbâ. Ndâli nî, na yâ tî âtöndö tî kua tî ë tî ngû ôko ôko, ë yeke fa âbêtaâ kônde tî ë sô labânge abeke nî.