Bätängö-kôndo ka Bozûm

Na ngû tî 2015, SÎRÎRÎ akunipa tî tunge mbênî finî pialö tî tara lêgë — sëkängö mbênî yângbö tî bätängö-kôndo na Lisëe Ogustëen Wamokondô na Bozûm, sï lo yeke tunge ngâ ânyîlikôlo sô ayeke sâra ânde kua nî. Ayeke mîngi nî mbênî bäräkua tî fängö-yê.

Âkötä bogoma tî pialö nî ayeke tî fa na ânyîlikôlo nî kodë tî särängö-kua tî âla âla-mvenî na kodë tî ndömbëngö-büzë lêgë-ôko sô âla yeke manda tî gbara pialökua, tî kângbi kua na pöpö tî âla, tî bâa na lê tî âla sô sï fôko zo asâra kua lâ na lâ ngangü mîngi sï lo lîngbi tî mâi nzönî dutî tî lo.

Gbândä ânde, yângbö tî bätängö-kôndo nî alîngbi tî gä na könömï yamba, sï abezôa müngö-mabôko tî âwandê mbênî pëpe, — a lîngbi tî kä pärä na niama tî kôndo nî tî wara na nginza, sï ngâ ânyîlikôlo sô alängö na lisëe nî alîngbi ngâ tî te yê daä. Âla sô alöndö na gbätä yongôro sï alängö na yâ tî lisëe nî adu tî gi kôbe tî yângâ tî âla âla-mvenî sï âla te yê.